الثلاثاء، 18 يونيو، 2013



كنت من فتره وفي آخر أيام الاختبارات
أفكر في  ملاين الأنشطه
التي سوف أقوم بها بقدوم أول أيام الصيف
أحد هذه الأفكار هو ..أن أقوم بتغير جذري
لغرفة النوم ..ارتبها واتخلص من كل الاشياء
القديمه الغير مفيده واللي مسويه زحمه في نفس الوقت
 جات الاجازه
وفعلا بدأت بالمشروع
دخلت الغرفه
والفوطه والمكنسه بيدي
ومستعده ومتحمسه
فتحت  هاذاك الدرج
اللي ما احب افتحه
فيه اشياء قديمه جدا جدا
ورسايل واوراق ومذكرات من ايام المدرسه
فجأه ما قدرت اقاوم
جلست وتربعت  ورميت المكنسه
قريت ورقه ورقه
ومع كل ورقه اتذكرت ماضي قديم ضخم
تناسيته بس ما نسيته
ميمونه ونوف وصفيه ومريم وفطوم ونوره
وهاجر وعذاري وعهود ومروى ونواره
وكل طالبات الفصل
يا الله وينكم
بعض المذكرات خلتني اضحك بصوت عالي
من حالة الجنون اللي كنا عايشين فيها
وبعضها حزنتني واثارت فيني الشجن
..تسألوني والغرفه نظفتيها ولا لأ
اقولكم .. بعد 4 أيام متواصلين
ههههههههههه
اي والله
مش عشان شي بس ايش اسوي
كل شي اقعد عنده سنه اقعد أتأمل فيه
وقت الغرفه هاذا كان فاصل ذكريات
المهم ان النتيجه كانت  جمييله جدا
الحمد لله الغرفه صارت راايقه وجميله
بعد ترميم دام نصف اسبوع
XD



أنا فعلا أحب هاذا المكان
#مكتبة جرير


احدى شخابيطي الثمينه
حصريه من الكشكول

__
صيف 2012


بداخل كل إنسان عالم ... لكن القليل جدا من يكتشف روعة عالمه