الجمعة، 12 يوليو، 2013

رمضان كريييم

رمضان كريييم لكل الحلوييين
الحمد لله من علينا بهذا الشهر الفضيل
اللي كل الأجواء فيه جمال في جمال
من أول الصبح الى الليل
طبعا ما ننسى فقرة الفطور
:) أروع فقرة
وصلاة التراويح والروحانيات
رمضان اللي فات كنت راح اكتب موضوع
لاحظته كذا ..بس لسبب ما حسيته لا يستحق
وركنت الموضوع  جانبا
وسبحان الله اليوم تذكرته
,, قررت انا واختي نصلي التراويح
في المسجد القريب
رحنا في تجديدات حصلت للمسجد
الفرش غيروه كان اخضر وخلوه بني
وحطو مناديل كثيرة  اكثر من الماي
هاذا مش موضوع حديثنا
المهم
كان فيه كمية أطفال في المسجد
طيب منظر جميل ورائع
بس فعلا فعلا يا عالم ياناس
جنة الأطفال منااااااازللللل أمهم
جننونا الواحد يخاف يركع والا يسجد
تجي كوره عليه والا ينحذف بلعبه
مايصير والله 
اوك في أطفال معقولين يحاولون يقلدون الكبار
ويصلون ويدعون هاذيلن ننوسين 
اللي أقصده الأطفال اللي من الصنف الثاني 
اللي جايين يغيرون جو في المسجد 
 كنت اقول لنفسي اول ما نخلص صلاة
بعطيهم النظره اللي مليانه وعيد وتهديد
عشان كل واحد يلتزم حدوده ويسكت ونقدر نركز شوي
خلصنا الصلاة وقفت وهم مكملين لعب عادي
ومجهزة نفسي ومستعدة لتوزيع نظاراتي التهديدية
أصلا مش معبريييني

بداخل كل إنسان عالم ... لكن القليل جدا من يكتشف روعة عالمه