أول مره أخلص كتاب في يومين يمكن عشان أنا في فترة مراجعه وامتحانات ..وقراءتي للكتاب نوع من التهرب ويمكن الكتاب نفسه شيق ويخلص في يومين ؟!! هو فعلا كتاب ملوش اسم .. أو ما تقدر تخلي له اسم لأنه يتكلم عن مواضيع كثيره وبطريقه ظريفه جدا جدا .. اتذكر اول ما شفت الكتاب ف المكتبه وشدني اللون الكموني (-: وخلية الصور الموجوده ع الغلاف ..وكنت أفكر في تعديلات على الغلاف واقول لو كان لابس نضاره شمسيه لو كان العنوان مكتوب بخط ثاني .. وكنت ناويه أرجع الكتاب لاني ما احب الكتب الغريبه لاعتقادي ان محتواها بايخ .. وما ادري ليه تصفحت الكتاب وعيني جات على موضوع" الضمير" و"انت مين ؟ "و"المسرح " ..بصراحه كلها مواضيع شدتني أنا من ناحيه شخصيه .. واللي شدني أكثر طريقة الكلام لأنه كان كلام عامي ممكن أي أحد يستوعبه ..
الكاتب كان عنده أفكار وتساؤلات طرحها وناقشها مع نفسه ويتكلم معاك .. ممكن انت تقتنع وممكن ما تقتنع عادي .. أهم شي هي أفكار ونفكر فيها وكل واحد ورأيه ..
بس حلو الواحد يفكر .. ويخلي له قناعاته الخاصه اللي يؤمن فيها ..
