اليوم كان عيد الأم ..
تعاملنا معاه زي اي يوم عادي
امي كانت تلمح
جاها مسج دعايه من احد المحلات
قعدت تقراه بصوت عالي
"احتفل معنا بعيد الأم "
...
واحنا لا تعليق
..
..
صراحه كنت ناويه اجيب هديه
بس
الموضوع متعلق بذكرى حدثت
السنه الماضيه
اتفقنا انا واختي نجيب هديه لامي
ودخلنا في موال طويل عريض
تغليف الهديه كان سيء
وتخانقنا مع صاحب المحل
ورحنا لواحد ثاني
بس كان عنده زحمه
ووو
بالإضافه الى ان امي كانت طالعه مشوار
وقعدنا نستناها
وما حبينا نتصل ..عشان نفاجئها
قعدنا في الصاله
نراقب الهديه المغلفه
وكل شوي نقلب فيها
ونتخيل ردت فعل امي
طفينا الأنوار
بس يمكن كذا يتحول الموضوع الى رعب
ولو فتحناها ماراح تتفاجئ
وتوصلنا الى ان نفتح ابجوره بس
وجات امي اخيرا
وقعدت تتكلم عادي بدون ما تنتبه للهديه
وفتحنا النور
وامي مستمره تتكلم
يا امي ..
الهدييييه
اوه
جبتولي هديه
فرحت وانبسطت
وتنفسنا الصعداء
الحمد لله
السنه هاذي حبينا نكتفي بفكرة
ان ايامنا معاها كلها عيد أم :)
يا سلام
بس طبعا الأمهات تسعدهم هاذي الحركات
كيكه وهديه وكذا يعني
يلا الله يحيينا للسنه الجايه
ونخطط انا واختي لشيء جديد
يدخل السرور على أمي
كل عام وكل الأمهات بخير
ادعو الله بأن يغفر ويرحم امهات المسلمين
ياارب
آآآمين
