الثلاثاء، 8 أبريل، 2014

اللحظات الحلوه ..



أحب كــل أنواع الآيس كريم لكن 
آيس كريم اللي من المكاينه 
اللي شكله حلزوني زي اللي فالصوره 
له معزه خااصه جدا 
ما أدري يمكن لأنه ما أحصله بسهوله 
او لأن مكانه مرتبط دايما بسيرات الايسكريم اللي على الكرنيش 
او في الحدايق .. يعني وجوده مرتبط بشي جميل 
..
في أشياء يمكن تكون عاديه لكنها تزيد قيمتها 
 اذا ارتبطت بذكرى جميله او مع أشخاص أعزاء 
مثلا .. أغنيه بايخه لكن سمعتها فيوم جميل  كنت تتمشى 
فيه مع أصحابك ..بتلاقي نفسك تنطرب أو تضحك أول ما تسمعها 
...
في مثال ثاني .. 
صديقتي مره من زمان كانت عازمتي في بيتهم 
ومتحمسه جدا عشان تذوقني 
كبة اللبن اللي أمها تسويها 
طبعا أنا وقتها عمري ما كلت كبة اللبن هاذي 
وتحمست وحسيتها .. يعني أجمل أكله ممكن أكلها 
رحت بيتها ولعبنا وسولفنا وكل شي 
وجا وقت العشا 
وحطو كبة اللبن  
.   .   .   . 
منظرها شهي ويتصاعد منها الدخان 
حطيت في صحني 
ذقتها ... بصراحه 
يعني .. كانت جميله لكن عاديه بس شكلي تحمست زياده عن اللزوم 
وكنت لاازم احسسها انه الأكله جميله وهاذا الجزئ هو الجزئ الأصعب 
..
بس اهم شي  كنت سعيده وقتها ومبسوطه الحمد لله 
واكيييد عمري ما راح انسى الكبة باللبن 
ولاانسى صديقتي الجميله واللحظات الحلوه 
والى يومكم وانا لما اشوف كبة باللبن 
على طوووول اتذكر صديقتي 
واخذ لقمه  إحياء للذكرى 

وبس 

الموضوع متشعب 
ما ادري اذا في فكره استفدتو منها أو لا 
بس زي ما قلت لكم كثير من الأشياء تزيد قيمتها أكثر باللحظات المربوطه فيها 

_
وتصفر بطارية الجهاز معلنة انها على وشكة الإنتهااء 

تحياتي لكم 
والى موضوع آخر ان شاء الله 


بداخل كل إنسان عالم ... لكن القليل جدا من يكتشف روعة عالمه